ਈਸਟਰ ਦਾ ਦਿਨ ਜਾਂ Easter Day ਕੀ ਹੈ?
ਪੰਜਾਬੀ ਮਸੀਹੀ ਸੰਦੇਸ਼
ਈਸਟਰ ਯਿਸੂ ਦੇ ਸਰੀਰਕ ਪੁਨਰ-ਉਥਾਨ ਦਾ ਜਸ਼ਨ ਹੈ! ਜੋ ਬਾਈਬਲ ਦੇ ਅਨੁਸਾਰ, ਉਸਨੂ ਸਲੀਬ ਦੇਣ ਤੋਂ ਤਿੰਨ ਦਿਨਾਂ ਬਾਅਦ ਹੋਇਆ ਸੀ (ਮੱਤੀ 12:40; ਯੂਹੰਨਾ 2: 19-21). ਉਹ ਸਾਡੇ ਬਦਲੇ ਆਪ ਸਲੀਬ ਤੇ ਕੁਰਬਾਨ ਹੋ ਗਿਆ (ਯਸਾਯਾਹ 53: 4-6) - ਮਸੀਹ ਨੇ ਸਲੀਬ ਉੱਪਰ ਆਪਣੇ ਸਰੀਰ ਉੱਤੇ ਸਾਡੇ ਪਾਪ ਲੈ ਲਏ (1 ਪਤਰਸ 2:24), ਅਤੇ ਉਹ ਉਹਨਾਂ ਨਾਲ ਮਰ ਗਿਆ. ਉਹ ਇਕ ਕੁਰਬਾਨੀ ਸੀ (ਇਬਰਾਨੀਆਂ 9: 26; 10:12); ਅਤੇ ਜਦੋਂ ਅਸੀਂ ਆਪਣੇ ਪਾਪਾਂ ਦੀ ਮਾਫ਼ੀ ਲਈ ਮਸੀਹ ਦੀ ਕੁਰਬਾਨੀ ਉੱਤੇ ਭਰੋਸਾ ਕਰਦੇ ਹਾਂ, ਤਦ ਅਸੀਂ ਵਿਸ਼ਵਾਸ ਦੁਆਰਾ ਧਰਮੀ ਠਹਿਰ ਸਕਦੇ ਹਾਂ (ਰੋਮੀਆਂ 5: 1).ਮਸੀਹ ਦੀ ਸਲੀਬ ਤੇ ਮੌਤ ਦਾ ਵੇਰਵਾ ਨਵੇਂ ਨੇਮ ਵਿੱਚ ਪਾਇਆ ਜਾਂਦਾ ਹੈ। ਜਿਵੇਂ ਕਿ ਅਸੀਂ ਮਨੁੱਖੀ ਇਤਿਹਾਸ ਦੇ ਲੰਬੇ ਗਲਿਆਰੇ ਨੂੰ ਵੇਖਦੇ ਹਾਂ, ਅਸੀਂ ਬਹੁਤ ਸਾਰੇ ਕਾਲੇ ਦਿਨ ਦੇਖਦੇ ਹਾਂ. ਦਰਜ ਕੀਤੇ ਗਏ ਹਨੇਰੇ ਦਿਨਾਂ ਵਿੱਚ ਪ੍ਰਭੂ ਯਿਸੂ ਮਸੀਹ ਨੂੰ ਸਲੀਬ ਦੇਣ ਦਾ ਦਿਨ ਵੀ ਸੀ ! ਪਰ ਇਹ ਦਿਨ ਵੀ ਇਕ ਚਮਕਦਾਰ ਦਿਨ ਸੀ.
ਇਹ ਮਰਿਯਮ, ਯਿਸੂ ਦੀ ਮਾਤਾ ਅਤੇ ਯਿਸੂ ਦੇ ਚੇਲੇ ਜੋ ਉਸ ਦੇ ਨਾਲ ਤੁਰਦੇ ਸਨ, ਲਈ ਇੱਕ ਹਨੇਰੇ ਦਾ ਦਿਨ ਸੀ. ਚੇਲਿਆਂ ਨੇ ਯਿਸੂ ਨਾਲ ਪਸਾਹ ਦਾ ਭੋਜਨ ਕੀਤਾ ਸੀ, ਅਤੇ ਹੁਣ ਉਹ ਚਲਿਆ ਗਿਆ ਸੀ. ਉਸ ਸਥਿਤੀ ਤੋਂ ਬਾਹਰ ਨਿਕਲਣ ਲਈ ਉਸਨੇ ਆਪਣੀ ਸ਼ਕਤੀ ਦੀ ਵਰਤੋਂ ਕਿਉਂ ਨਹੀਂ ਕੀਤੀ? ਜੇ ਉਹ ਮਰ ਗਿਆ ਸੀ, ਤਾਂ ਕੀ ਉਹ ਸਭ ਜੋ ਉਸਨੇ ਕਿਹਾ ਸੀ ਸੱਚ ਸੀ? ਕੀ ਉਹ ਭਵਿੱਖ ਦੀ ਉਮੀਦ ਕਰ ਸਕਦੇ ਸਨ ਜੇ ਯਿਸੂ ਕਬਰ ਵਿਚ ਸੀ?
ਦੂਜੇ ਪਾਸੇ, ਉਸ ਦੀ ਸਲੀਬ ਉੱਤੇ ਮੌਤ ਨੇ ਮਨੁੱਖਜਾਤੀ ਨੂੰ ਪਾਪ ਅਤੇ ਮੌਤ ਤੋਂ ਛੁਟਕਾਰਾ ਦਿੱਤਾ. ਉਸਦੀ ਮੌਤ ਦਾ ਹਨੇਰਾ ਅੱਜ ਸਾਡੇ ਲਈ ਮੁਕਤੀ ਦੀ ਰੋਸ਼ਨੀ ਲੈ ਆਇਆ।
ਕੀ ਤੁਸੀਂ ਕਦੇ ਉਨ੍ਹਾਂ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਸਮਝਣ ਦੀ ਕੋਸ਼ਿਸ਼ ਕੀਤੀ ਹੈ ਜੋ ਯਿਸੂ ਨੂੰ ਨੇੜਿਓਂ ਮੰਨਦੇ ਸੀ? ਉਨ੍ਹਾਂ ਨੇ ਗਥਸਮਨੀ ਦੇ ਬਾਗ਼ ਵਿਚ ਉਸ ਦੀ ਗ੍ਰਿਫਤਾਰੀ ਨੂੰ ਦੇਖਿਆ. ਉਨ੍ਹਾਂ ਨੇ ਬੜੀ ਦਹਿਸ਼ਤ ਵਿੱਚ ਯਿਸ਼ੂ ਨੂੰ ਮਾਰ/ਕੁੱਟ ਖਾਂਦੇ ਅਤੇ ਕੋੜੇ ਖਾਂਦੇ ਦੇਖਿਆ. ਉਨ੍ਹਾਂ ਨੇ ਯਿਸ਼ੂ ਦੇ ਸਰ ਤੇ ਕੰਡਿਆਂ ਦਾ ਤਾਂ ਪੈਂਦੇ ਅਤੇ ਲਹੂ ਵਗਦੇ ਪਿੰਡੇ ਤੇ ਜਾਮਨੀ ਰੰਗ ਦੇ ਚੋਗੇ ਨੂੰ ਸੁੱਟਦੇ ਦੇਖਿਆ ਹੋਵੇਗਾ !ਉਨ੍ਹਾਂ ਨੇ ਰੋਮ ਦੇ ਸਿਪਾਹੀਆਂ ਨੂੰ ਉਸ ਦਾ ਮਜ਼ਾਕ ਉਡਾਉਂਦੇ ਸੁਣਿਆ ਹੋਵੇਗਾ.
ਯਿਸੂ ਦੇ ਚੇਲੇਆਂ ਨੇ ਯਿਸ਼ੂ ਨੂੰ ਗੋਲਗੋਥਾ ਦੀ ਪਹਾੜੀ ਵੱਲ ਸਲੀਬ ਨੂੰ ਲੇਜਾਉਂਦੇ ਹੋਏ ਦੁਖੀ ਹਿਰਦੇ ਨਾਲ ਦੇਖਿਆ ਹੋਣਾ! ਉਹਨਾਂ ਨੇ ਦੇਖਿਆ ਹੋਵੇਗਾ ਜਦੋਂ ਖੁਦ ਆਪਣੀ ਇੱਛਾ ਨਾਲ ਉਹ ਸਲੀਬ ਤੇ ਲੇਟ ਗਿਆ ਹੋਣਾ ਅਤੇ ਕੋਈ ਸਬਦ ਨਹੀਂ ਬੋਲਿਆ. ਉਹ ਦਰਦ ਨਾਲ ਭੜਕ ਗਏ ਹੋਣੇ ਜਦੋਂ ਉਹਨਾਂ ਨੇ ਲੰਬੀ ਕਿੱਲਾਂ ਯਿਸ਼ੂ ਦੇ ਹਥਾਂ ਅਤੇ ਪੈਰਾਂ ਵਿਚ ਜਾਂਦੀਆਂ ਦੇਖੀਆਂ ਹੋਣੀਆਂ!
ਉਹ ਮਨੁੱਖ ਵਜੋਂ ਮੁਸ਼ਕਿਲ ਨਾਲ ਪਛਾਣਂ ਹੋ ਰਿਹਾ ਸੀ (ਯਸਾਯਾਹ 52:14). 1 ਸਲੀਬ ਅਤੇ ਤਿੰਨ ਕਿੱਲਾਂ ਦੇ ਦੁਆਰਾ ਪਰਮੇਸ਼ੁਰ ਨੇ ਇੱਕ ਪੁਲ ਤਿਆਰ ਕਰ ਦਿੱਤਾ ਜਿਸ ਦੁਆਰਾ ਮਨੁੱਖਜਾਤੀ ਪਾਪ ਦੇ ਪਤਨ ਤੋਂ ਮਸੀਹ ਯਿਸੂ ਵਿੱਚ ਜੀਵਨ ਦੀ ਮਹਿਮਾ ਵੱਲ ਲੰਘ ਸਕਦਾ ਸੀ.
ਜਦੋਂ ਉਹ ਆਪਣੀ ਜ਼ਿੰਦਗੀ ਦੇ ਅੰਤ ਦੇ ਨੇੜੇ ਆਇਆ, ਯਿਸੂ ਨੇ ਕਿਹਾ, "ਮੈਨੂੰ ਪਿਆਸ ਹੈ" (ਯੂਹੰਨਾ 19:28). ਉੱਥੇ ਇੱਕ ਭਾਂਡਾ ਸਿਰਕੇ ਦਾ ਭਰਿਆ ਹੋਇਆ ਧਰਿਆ ਸੀ ਸੋ ਉਨ੍ਹਾਂ ਨੇ ਇੱਕ ਸਪੰਜ ਸਿਰਕੇ ਨਾਲ ਭਰਿਆ ਹੋਇਆ ਜੂਫ਼ੇ ਦੀ ਛਿਟੀ ਤੇ ਬੰਨ੍ਹ ਕੇ ਉਹ ਦੇ ਮੂੰਹ ਤਾਈਂ ਪੁਚਾਇਆ (ਯੂਹੰਨਾ 19:29)
ਆਪਣੀ ਆਖ਼ਰੀ ਸਾਹ ਨਾਲ, ਯਿਸੂ ਨੇ ਆਪਣੇ ਅੰਤਮ ਸ਼ਬਦ ਬੋਲੇ, " ਪੂਰਾ ਹੋਇਆ ਹੈ" (ਯੂਹੰਨਾ 19:30). ਤਦ ਉਹ ਨੇ ਸਿਰ ਨਿਵਾ ਕੇ ਜਾਨ ਦੇ ਦਿੱਤੀ। ਕੀ ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਯਿਸੂ ਦੇ ਚੇਲਿਆਂ ਨੇ ਕਿਵੇਂ ਮਹਿਸੂਸ ਕੀਤਾ ਹੋਣਾ? ਪੂਰੀ ਤਰ੍ਹਾਂ ਅਸਫਲਤਾ, ਨਿਰਾਸ਼ਾ ਅਤੇ ਹਾਰ ਦੀਆਂ ਭਾਵਨਾਵਾਂ ਨੇ ਉਨ੍ਹਾਂ ਨੂੰ ਜ਼ਰੂਰ ਗ੍ਰਸਤ ਕਰ ਲਿਆ ਹੋਣਾ. ਉਹ ਥੋੜੀ ਦੂਰੀ ਤੇ ਖੜੇ ਹੋਏ ਅਰਿਮਥੇਆ ਦੇ ਯੂਸੁਫ਼ ਅਤੇ ਨਿਕੁਦੇਮੁਸ ਨੂੰ ਯਿਸੂ ਦੇ ਸ਼ਰੀਰ ਨੂੰ ਸਲੀਬ ਤੋਂ ਲਾਹੁੰਦੇ ਅਤੇ ਕਬਰ ਵਿੱਚ ਰੱਖਦੇ ਹੋਏ ਦੇਖ ਰਹੇ ਹੋਣੇ! ਉਹਨਾਂ ਨੂੰ ਸ਼ਾਇਦ ਇਸ ਤਰ੍ਹਾਂ ਮਹਿਸੂਸ ਹੋਇਆ ਹੋਵੇਗਾ ਜਿਵੇਂ ਉਨ੍ਹਾਂ ਦੀ ਜ਼ਿੰਦਗੀ ਉਨ੍ਹਾਂ ਦੇ ਸਰੀਰ ਵਿੱਚੋਂ ਖਿੱਚੀ ਜਾ ਰਹੀ ਹੈ.
ਜਦੋਂ ਸਬਤ ਦਾ ਦਿਨ ਖਤਮ ਹੋਇਆ, ਮਰਿਯਮ ਮਗਦਲੀਨੀ ਸਵੇਰ ਨੂੰ ਉੱਠ ਪਈ ਜਦੋਂ ਅਜੇ ਹਨੇਰਾ ਸੀ ਅਤੇ ਕਬਰ ਕੋਲ ਗਈ. ਪੱਥਰ ਨੂੰ ਹਟਾ ਦਿੱਤਾ ਗਿਆ ਸੀ ਅਤੇ ਯਿਸੂ ਚਲਾ ਗਿਆ ਸੀ! ਉਸਦਾ ਸਰੀਰ ਕਿੱਥੇ ਹੋ ਸਕਦਾ ਸੀ? ਉਹ ਝੱਟ ਪਤਰਸ ਅਤੇ ਯੂਹੰਨਾ ਕੋਲ ਗਈ। ਦੋਵੇਂ ਚੇਲੇ ਕਬਰ ਵੱਲ ਭੱਜੇ ਅਤੇ ਉਨ੍ਹਾਂ ਨੂੰ ਉਵੇਂ ਮਿਲਿਆ ਜਿਵੇਂ ਮਰਿਯਮ ਨੇ ਕਿਹਾ ਸੀ। ਹੈਰਾਨ ਹੋਕੇ, ਉਹ ਵਾਪਸ ਚਲੇ ਗਏ ਜਿਥੇ ਉਹ ਰਹਿ ਰਹੇ ਸਨ.
ਮਰਿਯਮ ਸੋਗ ਨਾਲ ਭਰੀ ਅਤੇ ਰੋ ਰਹੀ ਕਬਰ ਤੇ ਹੀ ਰਹੀ। ਹਾਲਾਂਕਿ, ਇਹ ਸਿਰਫ ਇੱਕ ਪਲ ਲਈ ਸੀ ਜਦੋਂ ਉਸਦੇ ਦੁਖ ਦੇ ਹੰਝੂ, ਅਨੰਦ ਦੇ ਹੰਝੂਆਂ ਵੱਲ ਬਦਲ ਗਏ. ਯਿਸੂ ਕਬਰ ਦੇ ਬਾਹਰ ਖੜਾ ਸੀ. ਉਸਨੇ ਉਸਦਾ ਨਾਮ ਪੁਕਾਰਿਆ.
ਹੁਣ ਉਸਦਾ ਉਹ ਜੀਵਨ ਜੋ ਯਿਸ਼ੂ ਦੀ ਮੌਤ ਤੋਂ ਬਾਅਦ ਖਤਮ ਹੋ ਗਿਆ ਲੱਗਦਾ ਸੀ ਅਚਾਨਕ ਵਾਪਿਸ ਜੋਸ਼ ਨਾਲ ਭਰ ਗਿਆ! ਉਸ ਨੂੰ ਅਹਿਸਾਸ ਹੋਇਆ ਕਿ ਉਹ ਜ਼ਿੰਦਾ ਸੀ! ਉਹ ਕਬਰ ਖਾਲੀ ਸੀ ਕਿਉਂਕਿ ਯਿਸੂ ਮੁਰਦਿਆਂ ਵਿੱਚੋਂ ਜੀ ਉਠਿਆ ਸੀ!
ਯਿਸੂ ਹੋਰ 40 ਦਿਨਾਂ ਤੱਕ ਆਪਣੇ ਚੇਲਿਆਂ ਨਾਲ ਰਿਹਾ। ਉਸਨੇ ਉਨ੍ਹਾਂ ਨੂੰ ਉਸਦੇ ਜਨਮ, ਮੌਤ ਅਤੇ ਪੁਨਰ ਉਥਾਨ ਬਾਰੇ ਲਿਖਤਾਂ ਦੀ ਵਿਆਖਿਆ ਕੀਤੀ. ਸਵਰਗ ਜਾਣ ਤੋਂ ਪਹਿਲਾਂ, ਉਸਨੇ ਉਨ੍ਹਾਂ ਨੂੰ ਕਿਹਾ ਕਿ ਉਹ ਯਰੂਸ਼ਲਮ ਨੂੰ ਨਾ ਛੱਡਣ, ਪਰ ਉਸ ਦਾਤ ਦੀ ਉਡੀਕ ਕਰਣ ਜੋ ਉਸਦੇ ਪਿਤਾ ਨੇ ਵਾਅਦਾ ਕੀਤਾ ਸੀ ਅਤੇ ਉਸਨੇ ਅੱਗੇ ਕਿਹਾ, " ਪਰ ਜਾਂ ਪਵਿੱਤ੍ਰ ਆਤਮਾ ਤੁਹਾਡੇ ਉੱਤੇ ਆਵੇਗਾ ਤਾਂ ਤੁਸੀਂ ਸ਼ਕਤੀ ਪਾਓਗੇ " (ਰਸੂਲਾਂ ਦੇ ਕਰਤੱਬ 1:8 ਦੇਖੋ.)
ਯਿਸੂ ਦੇ ਇਹ ਸ਼ਬਦ ਬੋਲਣ ਤੋਂ ਬਾਅਦ, ਉਹ ਸਵਰਗ ਵਿੱਚ ਉਤਾਹਾਂ ਉਠਾਇਆ ਗਿਆ ਅਤੇ ਬੱਦਲੀ ਨੇ ਉਸ ਨੂੰ ਉਨ੍ਹਾਂ ਦੀ ਨਜ਼ਰੋਂ ਓਹਲੇ ਕਰ ਦਿੱਤਾ (ਰਸੂਲਾਂ ਦੇ ਕਰਤੱਬ 1:9 ਦੇਖੋ.) ਜਦੋਂ ਉਨ੍ਹਾਂ ਨੇ ਵੇਖਿਆ ਤਾਂ ਅਚਾਨਕ ਉਨ੍ਹਾਂ ਕੋਲ ਦੋ ਦੂਤ ਪ੍ਰਗਟ ਹੋਏ ਅਤੇ ਕਹਿਣ ਲੱਗੇ, “ਹੇ ਗਲੀਲੀ ਪੁਰਖੋ, ਤੁਸੀਂ ਕਿਉਂ ਖੜੇ ਅਕਾਸ਼ ਦੀ ਵੱਲ ਵੇਖਦੇ ਹੋ? ਇਹ ਯਿਸੂ ਜਿਹੜਾ ਤੁਹਾਡੇ ਕੋਲੋਂ ਅਕਾਸ਼ ਉੱਪਰ ਉਠਾ ਲਿਆ ਗਿਆ ਉਸੇ ਤਰਾਂ ਆਵੇਗਾ ਜਿਸ ਤਰਾਂ ਤੁਸਾਂ ਉਸ ਨੂੰ ਅਕਾਸ਼ ਉੱਤੇ ਜਾਂਦੇ ਵੇਖਿਆ ।।“(ਰਸੂਲਾਂ ਦੇ ਕਰਤੱਬ 1:11 ਦੇਖੋ.)
ਸਾਨੂੰ ਸਿਰਫ ਇਹ ਅਹਿਸਾਸ ਕਰਨ ਲਈ ਸੰਸਾਰ ਦੀਆਂ ਘਟਨਾਵਾਂ ਵੱਲ ਧਿਆਨ ਦੇਣਾ ਹੈ ਕਿ ਯਿਸੂ ਦੀ ਵਾਪਸੀ ਜਲਦੀ ਹੈ. ਉਸ ਦਿਨ ਬਾਰੇ ਬਾਈਬਲ ਦੀ ਹਰ ਭਵਿੱਖਬਾਣੀ ਜਲਦੀ ਪੂਰੀ ਹੋ ਰਹੀ ਹੈ. ਰਸੂਲ ਪੌਲੁਸ ਨੇ ਕਿਹਾ:
1 ਥੱਸਲੁਨੀਕੀਆਂ ਨੂੰ 4:16-17
16 ਪ੍ਰਭੂ ਖੁਦ ਸਵਰਗ ਤੋਂ ਹੇਠਾਂ ਆਵੇਗਾ ਉਦੋਂ ਬਹੁਤ ਵੱਡਾ ਹੁਕਮ ਆਵੇਗਾ। ਇਹ ਹੁਕਮ ਮਹਾਂ ਦੂਤ ਦੀ ਅਵਾਜ਼ ਵਿੱਚ ਅਤੇ ਪਰਮੇਸ਼ੁਰ ਦੀ ਤੁਰ੍ਹੀ ਨਾਲ ਹੋਵੇਗਾ। ਅਤੇ ਉਹ ਮੁਰਦਾ ਲੋਕ ਜਿਹੜੇ ਮਸੀਹ ਵਿੱਚ ਸਨ ਪਹਿਲਾਂ ਜੀ ਉੱਠਣਗੇ। 17 ਉਸ ਤੋਂ ਮਗਰੋਂ, ਅਸੀਂ ਸਾਰੇ, ਜਿਹੜੇ ਹਾਲੇ ਤੱਕ ਜਿਉਂਦੇ ਹਾਂ, ਉਤਾਂਹ ਉਨ੍ਹਾਂ ਲੋਕਾਂ ਨਾਲ ਇਕੱਠੇ ਹੋਵਾਂਗੇ ਜਿਹੜੇ ਮਰ ਚੁੱਕੇ ਸਨ। ਸਾਨੂੰ ਬਦਲਾਂ ਨਾਲ ਜਿਲਾਇਆ ਜਾਵੇਗਾ ਅਤੇ ਹਵਾ ਵਿੱਚ ਮਸੀਹ ਨਾਲ ਮਿਲਾਇਆ ਜਾਵੇਗਾ। ਅਤੇ ਅਸੀਂ ਹਮੇਸ਼ਾ ਲਈ ਪ੍ਰਭੂ ਨਾਲ ਅੰਤ ਤੀਕ ਹੋਵਾਂਗੇ।
ਯਿਸੂ ਜੀਉਂਦਾ ਹੈ ਅਤੇ ਉਹ ਫਿਰ ਆ ਰਿਹਾ ਹੈ. ਉਸ ਦੀ ਵਾਪਸੀ ਤੇਜ਼ੀ ਨਾਲ ਨੇੜੇ ਆ ਰਹੀ ਹੈ. ਹੁਣ, ਪਹਿਲਾਂ ਨਾਲੋਂ ਵੀ ਜ਼ਿਆਦਾ, ਸਾਨੂੰ ਉਸ ਦਿਨ ਲਈ ਤਿਆਰ ਰਹਿਣਾ ਚਾਹੀਦਾ ਹੈ
ਮਸੀਹ ਦੇ ਪੁਨਰਉਥਾਨ ਦਾ ਵੇਰਵਾ ਨਵੇਂ ਨੇਮ ਵਿੱਚ ਪਾਇਆ ਜਾਂਦਾ ਹੈ।
ਲੂਕਾ 24 ਅਧਿਆਇ; ਮੱਤੀ 28 ਅਧਿਆਇ; ਮਰਕੁਸ 16 ਅਧਿਆਇ; ਯੂਹੰਨਾ 20-21 ਅਧਿਆਇ
